看誰較厲害
《看誰較厲害》Khuànn Siáng Khah Lī-hāi
董育君Táng Io̍k-kun
——————————————
我的個性你上知
guá ê kò-sìng lí siōng tsai
毋是你會當安排
m̄-sī lí ē-tàng an-pâi
喝燒喝冷攏總來
huah-sio huah-líng lóng-tsóng lâi
這款感覺真正䆀
tsit khuán kám-kak tsin-tsiànn bái
你若出聲我就知
lí nā tshut-siann guá tō tsai
三擺以內我忍耐
sann-pái í-lāi guá jím-nāi
若傷過份你會害
nā siunn kuè-hūn lí ē hāi
毋通怪我烏白來
m̄-thang kuài guá oo-pe̍h-lâi
有一工你若無欲愛
ū-tsi̍t-kang lí nā bô-beh ài
我會笑笑講Bye-bye
guá ē tshiò-tshiò kóng Bye-bye
反正對你無期待
huán-tsìng tuì lí bô kî-thāi
一人生活較自在
tsi̍t-lâng sing-ua̍h khah tsū-tsāi
有一工我若無欲愛
ū-tsi̍t-kang guá nā bô-beh ài
我會通知你莫來
guá ē thong-ti lí mài lâi
食我夠夠你就知
tsia̍h guá kàu-kàu lí tō tsai
最後看誰較厲害
tsuè-āu khuànn siáng khah lī-hāi
