點唱機
《點唱機》Tiám-tshiùnn-ki
葉璦菱Ia̍p Ài-lîng
——————————————
猶原是一日過一日
iu-guân sī tsi̍t-ji̍t kuè tsi̍t-ji̍t
規年攏無你的消息
kui-nî lóng bô lí ê siau-sit
咱初戀的彼當時
lán tshoo-luân ê hit-tong-sî
情歌流行是啥物
tsîng-kua liû-hîng sī siánn-mih
當初時實在真幼稚
tong-tshue-sî si̍t-tsāi tsin iù-tī
才會來簡單拆分開
tsiah ē lâi kán-tan thiah hun-khui
經過了無你的日子
king-kuè liáu bô lí ê ji̍t-tsí
想起你
siūnn-khí lí
阮猶感覺甜蜜
gún iáu kám-kak tinn-bi̍t
揣無機會
tshuē bô ki-huē
閣佮你相見
koh kah lí sann-kìnn
目睭一?
ba̍k-tsiu tsi̍t-nih
少年就過去
siàu-liân tiō kuè–khì
你若聽著
lí nā thiann-tio̍h
彼的時陣的情歌
hit ê sî-tsūn ê tsîng-kua
敢會想起
kám ē siūnn-khí
咱初戀的滋味
lán tshoo-luân ê tsu-bī
點唱機點著你我的歌
tiám-tshiùnn-ki tiám tio̍h lí guá ê kua
當做你坐佇阮的身邊
tòng-tsuè lí tsē tī gún ê sin-pinn
一杯咖啡
tsi̍t-pue ka-pi
初戀滋味
tshoo-luân tsu-bī
苦苦分開
khóo-khóo hun-khui
纏纏想過去
tînn-tînn siūnn kuè-khì
點一首你我初戀的歌
tiám tsi̍t-siú lí guá tshoo-luân ê kua
毋管你這馬是佇咧佗位
m̄-kuán lí hiān-tsāi sī tī-teh tó-uī
只是有時會閣想起
tsí-sī ū-sî ē koh siūnn-khí
想起咱彼時的代誌
siūnn-khí lán hit-sî ê tāi-tsì
彼種甜蜜
hit tsióng tinn-bi̍t
袂當袂記
bē-tàng bē-kì
