何苦又何苦
《何苦又何苦》Hô-khóo Iū Hô-khóo
葉勝欽Ia̍p Sìng-khim
——————————————
牽著心愛的手
khan-tio̍h sim-ài ê tshiú
看你泛紅的目睭
khuànn lí huàn-âng ê ba̍k-tsiu
最後一幫火車
tsuè-āu tsi̍t-pang hué-tshia
無情將咱來拆散
bô-tsîng tsiong lán lâi thiah-suànn
保重兩字一句一聲
pó-tiōng nn̄g-jī tsi̍t-kù tsi̍t-siann
聲聲叫著你的名
siann-siann kiò tio̍h lí ê miâ
苦戀酒一喙予焦
khóo-luân tsiú tsi̍t-tshuì hōo ta
酒場哀歌唱袂煞
tsiú-tiûnn ai-kua tshiùnn buē-suah
何苦又何苦
hô-khóo iū hô-khóo
甘願為愛受折磨
kam-guān uī ài siū tsiat-buâ
冷風霜雪凍心肝
líng-hong sng-seh tàng sim-kuann
只賰月娘伴孤單
tsí tshun gue̍h-niû phuānn koo-tuann
何苦又何苦
hô-khóo iū hô-khóo
無人會當了解我
bô-lâng ē-tàng liáu-kái guá
天星暗淡照人影
thinn-tshinn àm-tām tsiò lâng-iánn
離開你
lī-khui lí
像離開水的魚
tshiūnn lī-khui tsuí ê hî
今生袂當無你
kim-sing buē-tàng bô lí
