拍拚出頭天
《拍拚出頭天》Phah-piànn Tshut-thâu-thinn
葉勝欽Ia̍p Sìng-khim
——————————————
日子總是愛過
ji̍t-tsí tsóng-sī ài kuè
為三頓拚到底
uī sann-tǹg piànn kàu té
男子漢
lâm-tsú-hàn
著愛擔家伙
tio̍h-ài tann ke-hué
英雄毋驚出身低
ing-hiông m̄-kiann tshut-sin kē
只要肯做就有機會
tsí-iàu khíng tsò tiō ū ki-huē
做人著愛
tsuè-lâng tio̍h-ài
一步一步
tsi̍t-pōo-tsi̍t-pōo
跤踏實地
kha ta̍h si̍t-tē
啊~拍拚出頭天
ah~ phah-piànn tshut-thâu-thinn
一路一直堅持
tsi̍t-lōo it-ti̍t kian-tshî
我的字典內
guá ê jī-tián lāi
無失敗這兩字
bô sit-pāi tsit nn̄g-jī
啊~拍拚出頭天
ah~ phah-piànn tshut-thâu-thinn
絕對袂來放棄
tsua̍t-tuì buē lâi hòng-khì
人生難免起起落落
jîn-sing lân-bián khí-khí-lo̍h-lo̍h
意志堅定
ì-tsì kian-tīng
相信天無絕人之路
siong-sìn thinn bô tsua̍t lâng tsi lōo
