風塵女
《風塵女》Hong-tîn-lú
楊靜Iûnn Tsīng
——————————————
手捀酒杯搬溫柔
tshiú phâng tsiú-pue puann un-jiû
可惜落喉是憂愁
khó-sioh lo̍h-âu sī iu-tshiû
心事毋願囥目睭
sim-sū m̄-guān khǹg ba̍k-tsiu
司奶毋免人客你要求
sai-nai m̄-bián lâng-kheh lí iau-kiû
真心毋敢想
tsin-sim m̄-kánn siūnn
虛情攬身軀
hi-tsîng lám sin-khu
假愛無怨人風流
ké-ài bô uàn lâng hong-liû
阮命像瓊花拄風雨
gún miā tshiūnn khîng-hue tú hong-ú
風塵一路陣陣霧
hong-tîn tsi̍t-lōo tsūn-tsūn bū
空思夢想阮情歸處
khang-su bāng-siūnn gún tsîng kui-tshù
啥人會毋甘風塵女
siánn-lâng ē m̄-kam hong-tîn lú
日思夜夢
ji̍t-su iā-bāng
咱用愛造的厝
lán iōng ài tsō ê tshù
袂閣棄嫌阮的身軀
buē koh khì-hiâm gún ê sin-khu
袂閣啼笑阮的要求
buē koh thî tshiò gún ê iau-kiû
只毋甘阮
tsí m̄-kam gún
失落的春秋
sit-lo̍h ê tshun tshiu
