桃花
《桃花》Thô-hue
黃乙玲N̂g It-lîng
——————————————
一个人的生活
tsi̍t-ê-lâng ê sing-ua̍h
嘛是一款體會
mā sī tsi̍t-khuán thé-huē
會當恬恬欣賞
ē-tàng tiām-tiām him-sióng
一蕊花開的美麗
tsi̍t-luí hue khui ê bí-lē
不勉強身邊有人陪
put bián-kióng sin-pinn ū-lâng puê
咱攏相信有一工
lán lóng siong-sìn ū-tsi̍t-kang
幸福是咱的
hīng-hok sī lán ê
在你我的心中
tsāi lí guá ê sim-tiong
攏有一蕊桃花
lóng ū tsi̍t-luí thô-hue
願意等待一个有情人
guān-ì tán-thāi tsi̍t-ê ū-tsîng-lâng
來共咱揣
lâi kā lán tshuē
雖然幸福的路口
sui-jiân hīng-hok ê lōo-kháu
有淡薄仔狹
ū tām-po̍h-á e̍h
期待茫茫人海中
kî-thāi bâng-bâng jîn-hái tiong
總有你一个
tsóng ū lí tsi̍t-ê
心內甜蜜的話
sim-lāi tinn-bi̍t ê uē
我會等你來提
guá ē tán lí lâi the̍h
一句真心無假
tsi̍t-kù tsin-sim bô-ké
勝過山盟海誓
sìng-kuè san-bîng hái-sè
有時看著
ū-sî khuànn-tio̍h
蝴蝶雙雙飛
ôo-tia̍p siang-siang pue
毋通辜負咱身邊
m̄-thang koo-hū lán sin-pinn
幸福的機會
hīng-hok ê ki-huē
在你我的心中
tsāi lí guá ê sim-tiong
攏有一蕊桃花
lóng ū tsi̍t-luí thô-hue
緣份是天
iân-hūn sī thinn
寄予有情人的一句話
kià hōo ū-tsîng-lâng ê tsi̍t-kù uē
拍開心內的門窗
phah-khui sim-lāi ê mn̂g-thang
予春風吹啊吹
hōo tshun-hong tshue–ah tshue
毋驚這个冬天
m̄-kiann tsit ê tang-thinn
只賰我一个
tsí tshun guá tsi̍t-ê
