暗夜行路
《暗夜行路》Àm-iā Hîng-lōo
曾明莉Tsan Bîng-lī
——————————————
沉重跤步
tîm-tāng kha-pōo
欲行千里路
beh kiânn tshian-lí lōo
心酸心苦無奈何
sim sng sim khóo bô-nāi-hô
人生可比
jîn-sing khó-pí
孤鳥飛過河
koo-tsiáu pue kuè hô
情海浮沉起怨妒
tsîng-hái phû-tîm khí uàn-tòo
進退兩難是錯誤
tsìn-thè lióng-lân sī tshò-gōo
愛恨凝心是糊塗
ài-hūn gîng-sim sī hôo-tôo
光明路煞來變烏
kong-bîng lōo suah lâi piàn oo
心頭傷用目屎糊
sim-thâu siong iōng ba̍k-sái kôo
愛情路被你耽誤
ài-tsîng lōo pī lí tam-gōo
誤阮的幸福
gōo gún ê hīng-hok
杯中揣無有你的形影
pue-tiong tshuē-bô ū lí ê hîng-iánn
愛情的酒啉一半
ài-tsîng ê tsiú lim tsi̍t-puànn
甘願酒精牽阮夢中行
kam-guān tsiú-tsing khan gún bāng-tiong kiânn
人生繁華夢一攤
jîn-sing huân-huâ bāng tsi̍t-thuann
怪阮天生多情命
kuài gún thian-sing to-tsîng miā
虛情假愛你來搬
hi-tsîng ké-ài lí lâi puann
無情風吹來真疼
bô-tsîng hong tshue–lâi tsin thiànn
每日為你捶心肝
muí-ji̍t uī lí tuî-sim-kuann
愛愈深愈無靠岸
ài jú tshim jú bô khò-huānn
暗夜寂寞行
àm-iā tsi̍k-bo̍k kiânn
