行路有風
《行路有風》Kiânn-lōo Ū Hong
張蓉蓉Tiunn Iông-iông
——————————————
我放我家己
guá pàng guá ka-kī
行在風雨的街路上
kiânn tsāi hong-hōo ê ke-lōo siōng
也毋願看著你對我
iā m̄-guān khuànn-tio̍h lí tuì guá
彼款冷淡的眼光
hit khuán líng-tām ê gán-kong
雨哪會落袂停
hōo ná ē lo̍h buē-thîng
敢講親像你無情
kám-kóng tshin-tshiūnn lí bô-tsîng
今夜想欲放蕩
kim-iā siūnn-beh hòng-tōng
毋願閣再
m̄-guān koh-tsài
領教你的受傷
líng-kàu lí ê siū-siong
未來會滿面春風
bī-lâi ē muá-bīn tshun-hong
我希望用笑容
guá hi-bāng iōng tshiò-iông
換悲情的面容
uānn pi-tsîng ê bīn-iông
揣一个舞臺
tshuē tsi̍t-ê bú-tâi
演出感動
ián-tshut kám-tōng
若看見情路上
nā khuànn-kìnn tsîng-lōo siōng
揣無阮的行蹤
tshuē-bô gún ê hîng-tsong
請你也免
tshiánn lí iā bián
閣再講你的方向
koh-tsài kóng lí ê hong-hiòng
過去總是家己戇
kuè-khì tsóng–sī ka-kī gōng
今夜的我
kim-iā ê guá
欲將全部的悲傷
beh tsiong tsuân-pōo ê pi-siong
換明日的堅強
uānn bîng-ji̍t ê kian-kiông
步步行路攏有風
pōo-pōo kiânn-lōo lóng ū hong
