探君情淚
《探君情淚》Thàm Kun Tsîng-luī
張凱婷Tiunn Khái-tîng
林俊Lîm Tsùn
——————————————
女)
雙跤行到監獄前
siang-kha kiânn kàu kann-ga̍k tsîng
我君受罪去啊判刑
guá kun siū-tsuē khì–ah phuànn-hîng
欲去面會著申請
beh khì biān-huē tio̍h sin-tshíng
帶念翁某的感情
tài-liām ang-bóo ê kám-tsîng
男)
我勸賢妻你免啊煩惱
guá khǹg hiân-tshe lí bián–ah huân-ló
跤步踏差啥人無
kha-pōo ta̍h-tsha siánn-lâng bô
仙人拍鼓有時錯
sian-jîn phah-kóo ū-sî tshò
靜風平浪起風波
tsīng-hong pîng-lōng khí hong-pho
女)
看君咧哭阮啊嘛吼
khuànn kun teh khàu gún–ah mā háu
目屎墜落塗啊跤兜
ba̍k-sái tuī-lo̍h thôo–ah kha tau
君仔一時想袂到
kun–á tsi̍t-sî siūnn buē-kàu
希望浪子早回頭
hi-bāng lōng-tsú tsá huê-thâu
男)
賢妻身體你保啊勇健
hiân-tshe sin-thé lí pó–ah ióng-kiānn
這是恁翁的啊運命
tse sī lín ang ê–ah ūn-miā
好好照顧咱的囝
hó-hó tsiàu-kòo lán ê kiánn
毋通像爹入獄城
m̄-thang tshiūnn tia ji̍p ga̍k-siânn
女)
七日看君有啊一擺
tshit-ji̍t khuànn kun ū–ah tsi̍t-pái
希望我君早轉來
hi-bāng guá kun tsá tńg–lâi
君仔實在不應該
kun–á si̍t-tsāi put-ing-kai
放著某囝可憐代
pàng tio̍h bóo-kiánn khó-liân-tāi
男)
踮在獄內我真啊艱苦
tiàm-tsāi ga̍k-lāi gáu tsin–ah kan-khóo
想起當初的啊糊塗
siūnn-khí tong-tshoo ê–ah hôo-tôo
出獄了後會改過
tshut-ga̍k liáu-āu ē kái-kò
拍拚事業顧前途
phah-piànn sū-gia̍p kòo tsiân-tôo
