紅紗線
《紅紗線》Âng Se-suànn
玟靈Bûn-lîng
——————————————
手中一條紅紗線
tshiú-tiong tsi̍t-tiâu âng se-suànn
絚絚縛著你佮我
ân-ân pa̍k tio̍h lí kah guá
雙人純情的心肝
siang-lâng sûn-tsîng ê sim-kuann
靈魂永遠袂拆散
lîng-hûn íng-uán buē thiah-suànn
為何春天才過一半
uī-hô tshun-thinn tsiah kuè tsi̍t-puànn
你就將阮放外外
lí tiō tsiong gún pàng-guā-guā
你是我永遠的靠山
lí sī guá íng-uán ê khò-suann
僥雄放阮咧孤單
hiau-hiông pàng gún teh koo-tuann
過去對我的咒誓
kuè-khì tuì guá ê tsiù-tsuā
如今只有來看破
jû-kim tsí-ū lâi khuànn-phuà
啊~緣份線
ah~ iân-hūn suànn
紅紗線
âng se-suànn
只是縛阮受拖磨
tsí-sī pa̍k gún siū thua-buâ
