感情就到遮
《感情就到遮》Kám-tsîng Tiō Kàu Tsia
玟靈Bûn-lîng
——————————————
一生感情有你
it-sing kám-tsîng ū lí
是阮幸福的願望
sī gún hīng-hok ê guān-bāng
想欲踮你身邊
siūnn-beh tiàm lí sin-pinn
做伙拍拚佮生活
tsò-hué phah-piànn kah sing-ua̍h
毋知影溫柔的心
m̄ tsai-iánn un-jiû ê sim
為何改變遮爾大
uī-hô kái-piàn tsiah-nī tuā
敢是人講的彼款命
kám-sī lâng kóng ê hit khuán miā
註定忍受孤單
tsù-tiānn jím-siū koo-tuann
誰知純情的夢
siáng tsai sûn-tsîng ê bāng
攏是家己咧搬
lóng-sī ka-kī teh puann
毋知是應該來看破
m̄-tsai sī ing-kai lâi khuànn-phuà
抑是繼續行
ia̍h-sī kè-sio̍k kiânn
啥人通安慰
siánn-lâng thang an-uì
無想來破解
bô siūnn lâi phuà-kái
兩人感情的線
nn̄g-lâng kám-tsîng ê suànn
真正無珍惜
tsin-tsiànn bô tin-sioh
過去的緣份
kuè-khì ê iân-hūn
怎樣講煞就煞
tsuánn-iūnn kóng suah tiō suah
啊~敢是月娘伊
ah~ kám-sī gue̍h-niû i
叫阮愛將你放
kiò gún ài tsiong lí pàng
未來的日子
bī-lâi ê ji̍t-tsí
一切攏隨緣
it-tshè lóng suî-iân
感情咱就到遮
kám-tsîng lán tiō kàu tsia
