毋通閣傷心
《毋通閣傷心》M̄-thang Koh Siong-sim
江清蓉Kang Tshing-iông
——————————————
彼規暝想你
hit kui-mî siūnn lí
想到心憂悶
siūnn kàu sim iu-būn
目屎滴
ba̍k-sái tih
月娘笑阮太痴情
ge̍h-niû tshiò gún thài tshi-tsîng
無情的人做伊去
bô-tsîng ê lâng tsuè i khì
這幾年身邊有人
tsit kuí nî sin-pinn ū-lâng
來做伴代替你
lâi tsuè-phuānn tāi-thè lí
明知一切攏過去
bîng-tsai it-tshè lóng kuè-khì
想你猶原心傷悲
siūnn lí iu-guân sim siong-pi
看袂清這人生
khuànn buē-tshing tse jîn-sing
親像海湧袂平靜
tshin-tshiūnn hái-íng buē pîng-tsīng
看袂清這段感情
khuànn buē-tshing tsit tuānn kám-tsîng
哪會變成空
ná ē piàn-sing khang
放捒阮的無情人
pàng-sak gún ê bô-tsîng-lâng
心頭敢會輕鬆
sim-thâu kám ē khin-sang
有緣無情人創治
ū-iân bô-tsîng lâng tshòng-tī
想著
siūnn-tio̍h
心稀微
sim hi-bî
愛著阮的彼个人
ài-tio̍h gún ê hit ê lâng
對阮疼惜入心
tuì gún thiànn-sioh ji̍p-sim
有緣有情天註定
ū-iân ū-tsîng thinn tsù-tiānn
哪通閣傷心
ná thang koh siong-sim
—
有緣有情天註定
ū-iân ū-tsîng thinn tsù-tiānn
毋通閣傷心
m̄-thang koh siong-sim
