好聽的話
《好聽的話》Hó-thiann ê Uē
李明洋Lí Bîng-iông
——————————————
若是驚我艱苦
nā-sī kiann guá kan-khóo
你會當無聲無說
lí ē-tàng bô-siann bô-sueh
徙走你的一切
suá tsáu lí ê it-tshè
你的一切
lí ê it-tshè
若是驚你反悔
nā-sī kiann lí huán-hué
你會當一字一句
lí ē-tàng tsi̍t-jī tsi̍t-kù
寫佇批內底
siá tī phue lāi-té
寫佇批內底
siá tī phue lāi-té
千萬毋通
tshian-bān m̄-thang
一面予我安慰
tsi̍t-bīn hōo guá an-uì
一面予我傷心
tsi̍t-bīn hōo guá siong-sim
千萬毋通
tshian-bān m̄-thang
一面向我解說
tsi̍t-bīn hiòng guá kái-sueh
一面共我欺騙
tsi̍t-bīn kā guá khi-phiàn
好聽的話講太濟
hó-thiann ê uē kóng thài tsuē
只有變做早謝的花
tsí-ū piàn-tsuè tsá siā ê hue
好聽的話聽太濟
hó-thiann ê uē thiann thài tsē
最後猶是袂當挽回
tsuè-āu iáu-sī buē-tàng bán-huê
