傷心的日記
《傷心的日記》Siong-sim ê Ji̍t-kì
林晏如Lîm Àn-jû
——————————————
我又夢見了過去
guá iū bāng-kìnn liáu kuè-khì
你疼阮若疼自己
lí thiànn gún ná thiànn tsū-kí
好夢由來最易醒
hó-bāng iû-lâi tsuè ī tshínn
啊~醒來只賰
ah~ tshínn–lâi tsí tshun
傷心的日記
siong-sim ê ji̍t-kì
有你陪伴的甜蜜
ū lí puê-phuānn ê tinn-bi̍t
寫你離開的傷悲
siá lí lī-khui ê siong-pi
寫咱牽手
siá lán khan-tshiú
行過的春天
kiânn–kuè ê tshun-thinn
啊~寫阮孤單
ah~ siá gún koo-tuann
想你的冬暝
siūnn lí ê tang-mî
霓虹閃爍的都市
nê-hông siám-sih ê too-tshī
鬧熱歌聲擾人耳
lāu-jia̍t kua-siann jiáu lâng hīnn
眼前來來去去的情侶
gán-tsîng lâi-lâi-khì-khì ê tsîng-lī
跤步若針
kha-pōo ná tsiam
一直心頭揻
it-ti̍t sim-thâu ui
啊~風何必
ah~ hong hô-pit
引阮又掀起
ín gún iū hian khí
這本傷心的日記
tsit pún siong-sim ê ji̍t-kì
