我愛行船哥哥
《我愛行船哥哥》Guá Ài Kiânn-tsûn Kó-koh
田青平Tiân Tshing-pîng
——————————————
船螺聲音一直吱
tsûn-lê siann-im it-ti̍t ki
催咱惜別在港邊
tshui lán sioh-pia̍t tsāi káng-pinn
因為環境來所致
in-uī huân-kíng lâi sóo-tì
暫時著愛拆分離
tsiām-sî tio̍h-ài thiah hun-lî
毋管三冬抑五年
m̄-kuán sann-tang ia̍h gōo-nî
行船的人我愛你
kiânn-tsûn ê lâng guá ài lí
依依難捨在港邊
i-i lân-siá tsāi káng-pinn
阮袂來變心辜負你
gún buē lâi piàn-sim koo-hū lí
海啊海
hái–ah hái
希望你
hi-bāng lí
提醒行船的伊
thê-tshínn kiânn-tsûn ê i
船若靠岸愛會記
tsûn nā khò-huānn ài ē-kì
阮在故鄉等待你
gún tsāi kòo-hiong tán-thāi lí
