進退兩難
《進退兩難》Tsìn-thè Lióng-lân
林峰Lîm Hong
——————————————
異鄉的黃昏港邊
ī-hiong ê hông-hun káng-pinn
小雨毛毛落袂離
sió-hōo mn̂g-mn̂g lo̍h buē-lī
哀怨的船螺聲音
ai-uàn ê tsûn-lê siann-im
親像叫我倒轉去
tshin-tshiūnn kiò guá tò-tńg–khì
若想起離開家鄉
nā siūnn-khí lī-khui ka-hiong
已經過了十外年
í-king kè-liáu tsa̍p-guā nî
枉費著寶貴青春
óng-huì tio̍h pó-kuì tshing-tshun
流浪他鄉里
liû-lōng thann-hiong-lí
離開著家鄉的時
lī-khui tio̍h ka-hiong ê sî
抱著堅定的意志
phō-tio̍h kian-tīng ê ì-tsì
無疑誤來到他鄉
bô-gî-gōo lâi-kàu thann-hiong
為著女性誤前程
uī-tio̍h lú-sìng gōo tsiân-tîng
彼當時小小年紀
hit-tang-sî sió-sió nî-kí
毋知女性的厲害
m̄-tsai lú-sìng ê lī-hāi
到現在捶心怨嘆
kàu hiān-tsāi tuî sim uàn-thàn
也是無路用
iā-sī bô-lōo-iōng
哀愁的異鄉港邊
ai tshiû ê ī-hiong káng-pinn
海風吹我心痛疼
hái-hong tshe guá sim thàng-thiànn
到現在進退兩難
kàu hiān-tsāi tsìn-thè lióng-lân
毋知如何才應該
m̄-tsai jû-hô tsiah ing-kai
若想起可愛鄉里
nā siūnn-khí khó-ài hiong-lí
也是想欲倒轉去
iā-sī siūnn-beh tò-tńg–khì
若想著流浪身軀
nā siūnn-tio̍h liû-lōng sin-khu
猶原心傷悲
iu-guân sim siong-pi
