悲戀的愛
《悲戀的愛》Pi-luân ê Ài
呂敏郎Lū Bín-lông(呂金守Lū Kim-siú)
——————————————
春風微微又吹來
tshun-hong bî-bî iū tshue–lâi
悲歡在心內
pi-huan tsāi sim-lāi
你我又欲分東西
lí guá iū bueh hun tang-sai
啥人袂悲哀
siánn-lâng buē pi-ai
只有傷心流目屎
tsí-ū siong-sim lâu ba̍k-sái
點點滴落來
tiám-tiám tih–lo̍h-lâi
叫阮怎樣來忍耐
kiò gún tsuánn-iūnn lâi jím-nāi
這款的情愛
tsit khuán ê tsîng-ài
愛你愛在阮心內
ài lí ài tsāi gún sim-lāi
痛苦無人知
thòng-khóo bô-lâng tsai
恨阮早日真不該
hīn gún tsá-ji̍t tsin put-kai
佮你談情愛
kah lí tâm-tsîng-ài
明知無緣相對待
bîng-tsai bô-iân sio tuì-thāi
偏偏假毋知
phian-phian ké m̄-tsai
從此離開怎安排
tsiông-tshú lī-khui tsuánn an-pâi
永遠難相愛
íng-uán lân siong-ài
