平凡佮平安
《平凡佮平安》Pîng-huân Kah Pîng-an
曾心梅Tsan Sim-muî
林俊吉Lîm Tsùn-kiat
——————————————
女)
上北幸福尾幫車
tsiūnn-pak hīng-hok bué-pang-tshia
載阮入京城
tsài gún ji̍p kiann-siânn
聽講人生美滿
thiann-kóng jîn-sing bí-buán
攏佇遐
lóng tī hia
離開單純的庄跤
lī-khui tan-sûn ê tsng-kha
拜別鄉親佮序大
pài pa̍t hiong-tshin kah sī-tuā
追求阮的理想佮生活
tui-kiû gún ê lí-sióng kah sing-ua̍h
男)
迷戀都市的繁華
bê-luân too-tshī ê huân-huâ
才搬來臺北蹛
tsiah puann lâi Tâi-pak tuà
刻苦耐勞
khik-khóo nāi-lô
阮嘛真拍拚
gún mā tsin phah-piànn
更深夜靜的孤單
kinn tshim iā tsīng ê koo-tuann
無人會當講心情
bô-lâng ē-tàng kóng sim-tsiânn
予月娘笑阮
hōo gue̍h-niû tshiò gún
頇顢揣無伴
han-bān tshuē-bô phuānn
合)
人若平凡
lâng nā pîng-huân
幸福綴著風水輪流轉
hīng-hok tuè tio̍h hong-suí lûn-liû tsuán
總有一工
tsóng ū tsi̍t-kang
天公疼著咱
thinn-kong thiànn tio̍h lán
人若平安
lâng nā pîng-an
快樂伊會綴咱一世人
khuài-lo̍k i ē tuè lán tsi̍t-sì-lâng
愛的小厝蹛著
ài ê sió-tshù tuà tio̍h
平凡佮平安
pîng-huân kah pîng-an
