無心的人
《無心的人》Bô-sim ê Lâng
黃品源N̂g Phín-guân
——————————————
親像少年時的夢
tshin-tshiūnn siàu-liân-sî ê bāng
全然是一場空
tsuân-jiân sī tsi̍t-tiûnn khang
對你真心的付出
tuì lí tsin-sim ê hù-tshut
較濟嘛無彩工
khah tsē mā bô-tshái-kang
你的笑容遐純情
lí ê tshiò-iông hiah sûn-tsîng
害我將感情放
hāi guá tsiong kám-tsîng pàng
啥人了解
siánn-lâng liáu-kái
你是一个無心的人
lí sī tsi̍t-ê bô-sim ê lâng
想起當初的希望
siūnn-khí tong-tshoo ê hi-bāng
我煞來目箍紅
guá suah lâi ba̍k-khoo âng
看見別人成對成雙
khuànn-kìnn pa̍t-lâng sîng-tuì sîng-siang
心情煞愈沉重
sim-tsîng suah jú tîm-tāng
如今孤單的形影
jû-kim koo-tuann ê hîng-iánn
啥人會來疼痛
siánn-lâng ē lâi thiànn-thàng
一切攏是
it-tshè lóng-sī
為著一个無心的人
uī-tio̍h tsi̍t-ê bô-sim ê lâng
啊~對你講過
ah~ tuì lí kóng-kuè
一生一世
it-sing it-sè
我也甘願等
guá iā kam-guān tán
但是我的失落
tān-sī guá ê sit-lo̍h
我的悲傷
guá ê pi-siong
怎樣來暗崁
tsuánn-iūnn lâi àm-khàm
無人知影阮的心內
bô-lâng tsai-iánn gún ê sim-lāi
對你的思戀
tuì lí ê su-luân
被風雨吹落地
pī hong-hōo tshue lo̍h-tē
也無怨嘆
iā bô uàn-thàn
