今夜啥人來安慰
《今夜啥人來安慰》Kim-iā Siánn-lâng Lâi An-uì
傅振輝Pòo Tsín-hui
——————————————
一段情一齣戲
tsi̍t-tuānn tsîng tsi̍t-tshut hì
為何這場夢破碎
uī-hô tsit tiûnn bāng phò-tshuì
風微微心稀微
hong bî-bî sim hi-bî
又是孤單到深更
iū sī koo-tuann kàu tshim-kinn
一杯酒一段痴
tsi̍t-pue tsiú tsi̍t-tuānn tshi
過去已經無意義
kuè-khì í-king bô ì-gī
風淒淒情稀微
hong tshe-tshe tsîng hi-bî
又是孤單的傷悲
iū sī koo-tuann ê siong-pi
今夜有啥人來安慰
kim-iā ū siánn-lâng lâi an-uì
心欲碎
sim beh tshuì
是半醉半清醒
sī puànn tsuì puànn tshing-tshínn
秋風猶原吹規暝
tshiu-hong iu-guân tshue kui-mî
只有心疼來創治
tsí-ū sim-thiànn lâi tshòng-tī
失去你
sit-khì lí
我人生袂當圓
guá jîn-sing buē-tàng înn
今夜有啥人來安慰
kim-iā ū siánn-lâng lâi an-uì
