田庄兄哥欲娶某
《田庄兄哥欲娶某》Tshân-tsng Hiann-ko Beh Tshuā-bóo
黃西田N̂g Se-tiân
——————————————
今仔日田庄姑娘
kia̋nn-ji̍t tshân-tsng koo-niû
伊欲出嫁的日子
i beh tshut-kè ê ji̍t-tsí
無論是大大細細
bô-lūn sī tuā-tuā-sè-sè
逐家欲看伊
ta̍k-ke beh khuànn i
毋知伊欲嫁佗位
m̄-tsai i beh kè tó-uī
無人會知影
bô-lâng ē tsai-iánn
毋知毋知
m̄-tsai m̄-tsai
毋知毋知
m̄-tsai m̄-tsai
田庄的姑娘
tshân-tsng ê koo-niû
一切是阮的安排
it-tshè sī gún ê an-pâi
無人會知
bô-lâng ē tsai
自從阮親情做了
tsū-tsiông gún tshin-tsiânn tsuè-liáu
暝日都是真歡喜
mî-ji̍t to-sī tsin huann-hí
眾人也毋知阮某
tsiòng-lâng iā m̄-tsai gún bóo
到底佗一个
tàu-té tó tsi̍t-ê
恁看覓
lín khuànn-māi
坐在轎內
tsē tsāi kiō-lāi
彼个就是唷
hit ê tsiū-sī–iooh
誠實誠實誠實誠實
tsiânn-si̍t tsiânn-si̍t tsiânn-si̍t tsiânn-si̍t
田庄的姑娘
tshân-tsng ê koo-niû
阮就是田庄兄哥
gún tsiū-sī tshân-tsng hiann-ko
講話實在
kóng-uē si̍t-tsāi
今仔日真正鬧熱
kia̋nn-ji̍t tsin-tsiànn lāu-jia̍t
親情朋友真正濟
tshin-tsiânn pîng-iú tsin-tsiànn tsuē
厝邊的人人
tshù-pinn ê lâng-lâng
也是共阮鬥幫忙
iā-sī kā gún tàu pang-bâng
鼓吹聲真正響亮
kóo-tshue siann tsin-tsiànn hiáng-liāng
炮聲響四邊
phàu-siann hiáng sì-pinn
真正趣味
tsin-tsiànn tshù-bī
真正趣味
tsin-tsiànn tshù-bī
田庄的姑娘
tshân-tsng ê koo-niû
踮轎內搖來搖去
tiàm kiō-lāi iô-lâi-iô-khì
搖來阮兜
iô lâi gún tau
人咧講新婚日子
lâng teh kóng sin-hun ji̍t-tsí
就是一生最歡喜
tsiū-sī it-sing tsuè huann-hí
為怎樣阮的心內
uī-tsuánn-iūnn gún ê sim-lāi
膨咧凹咧唷
phòng–leh naih–eh iooh
看著阮田庄姑娘
khuànn-tio̍h gún tshân-tsng koo-niû
對阮使目箭
tuì gún sái-ba̍k-tsìnn
伊是有情
i sī ū-tsîng
伊是有情
i sī ū-tsîng
田庄的姑娘
tshân-tsng ê koo-niû
一時來予阮想著
tsi̍t-sî lâi hōo gún siūnn-tio̍h
真正歹勢
tsin-tsiànn pháinn-sè
雖然阮田庄兄哥
sui-jiân gún tshân-tsng hiann-ko
娶著田庄的姑娘
tshuā-tio̍h tshân-tsng ê koo-niû
起頭是無人會知
khí-thâu sī bô-lâng ē tsai
現在通人知
hiān-tsāi thong-lâng tsai
講阮是真正福氣
kóng gún sī tsin-tsiànn hok-khì
實在有四配
si̍t-tsāi ū sù-phuè
這款姻緣
tsit khuán in-iân
這款姻緣
tsit khuán in-iân
世間無地揣
sè-kan bô-tè tshuē
請逐家
tshiánn ta̍k-ke
燒酒捀起來
sio-tsiú phâng–khí-lâi
啉一杯
lim–tsi̍t-pue
