拍虎掠賊親兄弟
《拍虎掠賊親兄弟》Phah Hóo Lia̍h Tsha̍T Tshin-hiann-tī
黃西田N̂g Se-tiân
——————————————
爸母啊生咱是兄弟
pē-bú–ah sinn lán sī hiann-tī
應該互相鬥安慰
ing-kai hōo-siong tàu an-uì
咱有緣
lán ū-iân
才會仝一个腹肚
tsiah ē kāng tsi̍t-ê pak-tóo
來出世
lâi tshut-sì
無分大兄抑小弟
bô hun tuā-hiann ia̍h sió-tī
無分小妹抑大姊
bô hun sió-bē ia̍h tuā-tsí
有的是好命
ū-ê sī hó-miā
田園規大堆
tshân-hn̂g kui tuā-tui
有的是歹命過日子
ū-ê sī pháinn-miā kuè ji̍t-tsí
天公啊
thinn-kong–ah
按怎分嘛袂公平
án-tsuánn pun mā buē kong-pînn
爸母啊
pē-bú–ah
心內伊嘛仝心對待你
sim-lāi i mā kāng-sim tuì-thāi lí
既然咱是兄弟姊妹
kì-jiân lán sī hiann-tī-tsí-bē
應該著愛互相鼓勵
ing-kai tio̍h-ài hōo-siong kóo-lē
短短的幾十年做伙
té-té ê kuí tsa̍p-nî tsuè-hué
啊~咱兄弟有情
ah~ lán hiann-tī ū-tsîng
姊妹仔有義
tsí-bē–á ū gī
拍虎掠賊親兄弟
phah hóo lia̍h tsha̍t tshin-hiann-tī
