越頭做阮行
《越頭做阮行》Ua̍t-thâu Tsuè Gún Kiânn
曾心梅Tsan Sim-muî
——————————————
別人的心愛
pa̍t-lâng ê sim-ài
攏是有情無悲哀
lóng-sī ū-tsîng bô pi-ai
笑阮的心
tshiò gún ê sim
啥人知空等待
siánn-lâng tsai khang tán-thāi
心事講袂出來
sim-sū kóng buē tshut-lâi
不應該也著愛
put ing-kai iā tio̍h-ài
換來無情傷害
uānn lâi bô-tsîng siong-hāi
閣一擺
koh tsi̍t-pái
規氣越頭做阮行
kui-khì ua̍t-thâu tsuè gún kiânn
毋願閣予你來姑情
m̄-guān koh hōo lí lâi koo-tsiânn
若將阮當做軟汫
nā tsiong gún tòng-tsuè nńg-tsiánn
是無較縒
sī bô-khah-tsua̍h
毋知伊現在啥人陪
m̄-tsai i hiān-tsāi siánn-lâng puê
多情人傷心才四配
to-tsîng-lâng siong-sim tsiah sù-phuè
恐驚佇街路搪著
khióng-kiann tī ke-lōo tn̄g–tio̍h
講攏無話
kóng lóng bô uē
規氣越頭做阮行
kui-khì ua̍t-thâu tsuè gún kiânn
毋願閣予你來姑情
m̄-guān koh hōo lí lâi koo-tsiânn
若將阮當做軟汫
nā tsiong gún tòng-tsuè nńg-tsiánn
是無較縒
sī bô-khah-tsua̍h
喙皮是講欲做陣行
tshuì-phuê sī kóng beh tsuè-tīn kiânn
無想你予阮心畏寒
bô siūnn lí hōo gún sim uì-kuânn
當做咱的過去
tòng-tsuè lán ê kuè-khì
空拖磨
khang thua-buâ
