快樂的趁食人
《快樂的趁食人》Khuài-lo̍k ê Thàn-tsia̍h-lâng
黃乙玲N̂g It-lîng
——————————————
請你著相疼痛
tshiánn lí tio̍h sio thiànn-thàng
出外拍拚的趁食人
tshut-guā phah-piànn ê thàn-tsia̍h-lâng
毋驚露水重
m̄-kiann lōo-tsuí tāng
毋驚日頭暗
m̄-kiann ji̍t-thâu àm
等待成功彼一工
tán-thāi sîng-kong hit tsi̍t-kang
毋敢學人
m̄-kánn o̍h lâng
每日咧醉茫茫
muí-ji̍t teh tsuì-bâng-bâng
毋敢想欲
m̄-kánn siūnn-beh
一工就成人
tsi̍t-kang tiō tsiânn-lâng
只有望啊望
tsí-ū bāng–ah bāng
只有等啊等
tsí-ū tán–ah tán
期待天公鬥相共
kî-thāi thinn-kong tàu-sann-kāng
認真拍拚
jīn-tsin phah-piànn
將來有所望
tsiong-lâi iú-sóo bāng
阮是快樂的趁食人
gún sī khuài-lo̍k ê thàn-tsia̍h-lâng
