故鄉的媽媽
《故鄉的媽媽》Kòo-hiong ê Má-mah
唐飛Tông Hui
——————————————
若是看著日頭欲落山
nā-sī khuànn-tio̍h ji̍t-thâu beh lo̍h-suann
就會想起故鄉的媽媽
tiō ē siūnn-khí kòo-hiong ê má-mah
鼻酸喉滇
phīnn sng âu tīnn
目屎像溫泉
ba̍k-sái tshiūnn un-tsuânn
滴著我的跤盤
tih tio̍h guá ê kha-puânn
出外拍拚
tshut-guā phah-piànn
已經三年外
í-king sann-nî guā
事業袂順心
sū-gia̍p bē sūn-sim
像刀割
tshiūnn to kuah
今日風遮透
kim-ji̍t hong tsiah thàu
媽媽你敢會寒
má-mah lí kám ē kuânn
請你原諒不孝的我
tshiánn lí guân-liōng put-hàu ê guá
希望你逐工真快活
hi-bāng lí ta̍k-kang tsin khuìnn-ua̍h
毋通來掛念我
m̄-thang lâi kuà-liām guá
