爸母交代的話
《爸母交代的話》Pē-bú Kau-tài ê Uē
唐飛Tông Hui
——————————————
阮欲離開故鄉的時
gún beh lī-khui kòo-hiong ê sî
爸母對阮交代的話
pē-bú tuì gún kau-tài ê uē
阮也永遠毋敢放袂記
gún iā íng-uán m̄-kánn pàng-buē-kì
成功總是靠自己
sîng-kong tsóng-sī khò tsū-kí
不求不義的財利
put kiû put-gī ê tsâi-lī
做著一个標準的男兒
tsuè tio̍h tsi̍t-ê piau-tsún ê lâm-jî
事事項項
sū-sū-hāng-hāng
著愛有志氣
tio̍h-ài ū tsì-khì
毋免空求
m̄-bián khang-kiû
費盡心機
huì-tsīn sim-ki
阮踮故鄉彼當時
gún tiàm kòo-hiong hit-tong-sî
爸母時常對阮有講起
pē-bú sî-siông tuì gún ū kóng-khí
做人雖無十全佮十美
tsuè-lâng sui bô si̍p-tsuân kah si̍p-bí
只要安份佮守己
tsí-iàu an-hūn kah siú-kí
發現困難
huat-hiān khùn-lân
克服伊
khik-ho̍k i
翻身再來
huan-sin tsài lâi
重新閣做起
tiông-sin koh tsuè-khí
實實在在
si̍t-si̍t-tsāi-tsāi
期待好佳期
kî-thāi hó ka-kî
毋免浪費青春日子
m̄-bián lōng-huì tshing-tshun ji̍t-tsí
