流浪的吉他
《流浪的吉他》Liû-lōng ê Gì-tah
張燕清Tiunn Iàn-tshing
——————————————
今夜啥人關心我
kim-iā siánn-lâng kuan-sim guá
明日欲對佗位行
bîng-ji̍t beh tuì tó-uī kiânn
今日啥人安慰我
kim-ji̍t siánn-lâng an-uì guá
未來欲做永遠的伴
bī-lâi beh tsuè íng-uán ê phuānn
人生的情歌
jîn-sing ê tsîng-kua
無奈若風聲
bô-nāi ná hong-siann
只有唱予家己聽
tsí-ū tshiùnn hōo ka-tī thiann
一支流浪的吉他
tsi̍t-ki liû-lōng ê gì-tah
彈出著
tuânn tshut tio̍h
滿腹的心聲
muá-pak ê sim-siann
予我無怨嘆著性命
hōo guá bô uàn-thàn tio̍h sìnn-miā
這條路
tsit tiâu lōo
才有勇氣行
tsiah ū ióng-khì kiânn
一支流浪的吉他
tsi̍t-ki liû-lōng ê gì-tah
伴奏著
phuānn-tsàu tio̍h
命運的歌聲
miā-ūn ê kua-siann
予我無感覺著畏寒
hōo guá bô kám-kak tio̍h uì-kuânn
這條歌
tsit tiâu kua
才敢唱輸贏
tsiah kánn tshiùnn su-iânn
相信有一日
siong-sìn ū-tsi̍t-ji̍t
有人會為著我
ū-lâng ē uī-tio̍h guá
用一生聽我的歌
iōng it-sing thiann guá ê kua
