薰酒客
https://www.youtube.com/watch?v=gTq_TlOaF_4
《薰酒客》Hun-tsiú-kheh
郭大誠Kueh Tāi-sîng
——————————————
薰哥酒客就是阮
hun-ko tsiú-kheh tiō-sī gún
愛啉燒酒愛食薰
ài lim sio-tsiú ài tsia̍h-hun
啉酒解消阮憂悶
lim-tsiú kái-siau gún iu-būn
食薰加添阮青春
tsia̍h-hun ka-thiam gún tshing-tshun
寶島薰草人人知
pó-tó hun-tsháu lâng-lâng tsai
世界有名總統牌
sè-kài iú-miâ Tsóng-thóng-pâi
長壽芳味人人愛
Tiông-siū phang-bī lâng-lâng ài
玉山食著笑咍咍
Gio̍k-san tsia̍h-tio̍h tshiò-hai-hai
雙喜食著喜臨門
Siang-hí tsia̍h-tio̍h hí lîm mn̂g
幸福快樂永青春
hīng-hok khuài-lo̍k íng tshing-tshun
莒光金馬新樂園
Kí-kong Kim-má Sin-lo̍k-hn̂g
金龍的薰上蓋純
Kim-lîng ê hun siōng-kài sûn
雙鹿五加紹興酒
Siang-lo̍k ngóo-ka siāu-hing-tsiú
黃酒清酒是一流
n̂g-tsiú tshing-tsiú sī it-liû
米酒一杯捀在手
bí-tsiú tsi̍t-pue phâng tsāi tshiú
萬事開化無憂愁
bān-sū khai-huà bô iu-tshiû
薰哥酒客就是阮
hun-ko tsiú-kheh tiō-sī gún
運氣好䆀免議論
ūn-khì hó-phàinn bián gī-lūn
有薰有酒啖喙脣
ū hun ū tsiú tam tshuì-tûn
萬事如意笑文文
bān-sū jû-ì tshiò bûn-bûn
