因為愛
《因為愛》In-uī Ài
陳怡婷Tân Î-tîng
——————————————
鉸斷阮的長頭鬃
ka-tn̄g gún ê tn̂g thâu-tsang
一切當做一場眠夢
it-tshè tòng-tsuè tsi̍t-tiûnn bîn-bāng
雙人眠床
siang-lâng bîn-tshn̂g
溫暖變冰涼
un-luán piàn ping-liâng
行過彼欉Sakura
kiânn kuè hit tsâng Sakura
猶原美麗開甲清芳
iu-guân bí-lē khui kah tshing-phang
親像咱的愛
tshin-tshiūnn lán ê ài
幸福只有一暗
hīng-hok tsí-ū tsi̍t-àm
因為愛
in-uī ài
我甘願做一个戇人
guá kam-guān tsuè tsi̍t-ê gōng-lâng
寂寞守燈火
tsi̍k-bo̍k siú ting-hué
孤單守空房
koo-tuann siú khang-pâng
因為愛
in-uī ài
我猶原相信薄情人
guá iu-guân siong-sìn po̍k-tsîng lâng
我一定是你
guá it-tīng sī lí
最後倚靠的港
tsuè-āu uá-khò ê káng
