三月風四月雨
《三月風四月雨》Sann-gue̍h Hong Sì-gue̍h Hōo
張瀛仁Tiunn Îng-jîn
——————————————
風陣陣咧吹
hong tsūn-tsūn teh tshue
吹著阮目箍紅
tshue tio̍h gún ba̍k-khoo âng
雨綿綿落袂停
hōo mî-mî lo̍h buē-thîng
落甲心頭凝
lo̍h kah sim-thâu gîng
酒袂當閣啉
tsiú buē-tàng koh lim
啉落就開始想你
lim–lo̍h tiō khai-sí siūnn lí
想著你無消無息
siūnn-tio̍h lí bô-siau-bô-sit
燒酒閣叫一杯來啉
sio-tsiú koh kiò tsi̍t-pue lâi lim
三月風
sann-gue̍h hong
四月雨
sì-gue̍h hōo
愈吹心內愈怨妒
jú tshue sim-lāi jú uàn-tòo
以前兩人踏雙步
í-tsîng nn̄g-lâng ta̍h siang-pōo
誰知為情來艱苦
siáng tsai uī tsîng lâi kan-khóo
三月風
sann-gue̍h hong
四月雨
sì-gue̍h hōo
愈沃心情愈寂寞
jú ak sim-tsîng jú tsi̍k-bo̍k
無彩愛你愛遮重
bô-tshái ài lí ài tsiah tāng
如今才知影
jû-kim tsiah tsai-iánn
是一場春夢
sī tsi̍t-tiûnn tshun-bāng
