你的選擇
https://www.youtube.com/watch?v=bH308rfQANU
《你的選擇》Lí ê Suán-ti̍k
莊振凱Tsng Tsín-khái
——————————————
熟似你
si̍k-sāi lí
是咱錯誤的開始
sī lán tshò-gōo ê khai-sí
雨水猶原
hōo-tsuí iu-guân
引阮心傷悲
ín gún sim siong-pi
你看今夜月光暝
lí khuànn kim-iā gue̍h-kng-mî
親像你傷我的心
tshin-tshiūnn lí siong guá ê sim
夢醒
bāng tshínn
窗外只賰雨綿綿
thang-guā tsí tshun hōo mî-mî
樹枝花蕊
tshiū-ki hue-luí
本是相依倚
pún sī sio i-uá
為何如今
uī-hô jû-kim
變成一人徛一岸
piàn-sîng tsi̍t-lâng khiā tsi̍t-huānn
敢是月老牽錯線
kám-sī gua̍t-nóo khan tshò suànn
予咱緣份薄如紙
hōo lán iân-hūn po̍h jû tsuá
抑是命運來折磨
ia̍h-sī miā-ūn lâi tsiat-buâ
引阮想起你的心
ín gún siūnn-khí lí ê sim
咒誓愛情袂變形
tsiù-tsuā ài-tsîng buē piàn-hîng
當初咱兩人決定
tong-tshoo lán nn̄g-lâng kuat-tīng
欲來牽手過一生
beh lâi khan-tshiú kuè it-sing
引阮想起你的心
ín gún siūnn-khí lí ê sim
親像烏雲閘光明
tshin-tshiūnn oo-hûn tsa̍h kong-bîng
你的選擇
lí ê suán-ti̍k
傷害遮殘忍
siong-hāi tsiah tsân-jím
