我共天借膽
《我共天借膽》Guá Kā Thinn Tsioh Tánn
莊振凱Tsng Tsín-khái
——————————————
烏烏暗暗的海岸
oo-oo-àm-àm ê hái-huānn
孤孤單單的形影
koo-koo-tuann-tuann ê hîng-iánn
無情人生親像海湧
bô-tsîng jîn-sing tshin-tshiūnn hái-íng
蹧躂我欺負我
tsau-that guá khi-hū guá
毋管阮怎認真
m̄-kuán gún tsuánn jīn-tsin
毋管阮怎樣拚
m̄-kuán gún tsuánn-iūnn piànn
猶原是一个歹命囝
iu-guân sī tsi̍t-ê pháinn-miā-kiánn
為啥物咱著認命
uī-siánn-mih lán tio̍h jīn-miā
為啥物咱著看破
uī-siánn-mih lán tio̍h khuànn-phuà
人生行到遮
jîn-sing kiânn kàu tsia
我已經擋袂牢
guá í-king tòng buē-tiâu
我共天借膽
guá kā thinn tsioh tánn
我共天借膽
guá kā thinn tsioh tánn
想欲來改變
siūnn-beh lâi kái-piàn
阮的運命
gún ê ūn-miā
啥物困難我毋驚
siánn-mih khùn-lân guá m̄-kiann
啥物委屈無算啥
siánn-mih uí-khut bô sǹg siánn
我用我的性命
guá iōng guá ê sìnn-miā
佮伊拚
kah i piànn
啊~我的認真
ah~ guá ê jīn-tsin
我的拍拚
guá ê phah-piànn
天公伯仔
thinn-kong-peh–á
你著斟酌看
lí tio̍h tsim-tsiok khuànn
