命中註定你佮我
《命中註定你佮我》Miā-tiong Tsù-tiānn Lí Kah Guá
張文綺Tiunn Bûn-khí
——————————————
一兩三四
tsi̍t nn̄g sann sì
你攏無注意
lí lóng bô tsù-ì
時間偷偷過去
sî-kan thau-thau kuè–khì
三心兩意
sam-sim lióng-ì
等待啥物
tán-thāi siánn-mi̍h
經過寂寞冬天
king-kuè tsi̍k-bo̍k tang-thinn
青春就是
tshing-tshun tiō-sī
妝予媠媠
tsng hōo suí-suí
期待幸福春天
kî-thāi hīng-hok tshun-thinn
熱戀就是
jia̍t-luân tiō-sī
面笑微微
bīn tshiò bî-bî
緣份來捒做堆
iân-hūn lâi sak tsuè-tui
(因為)愛情的酸甘甜
in-uī ài-tsîng ê sng-kam-tinn
慢慢來用心體會
bān-bān lâi iōng-sim thé-huē
只要提出勇氣
tsí-iàu the̍h tshut ióng-khì
一定有新的滋味
it-tīng ū sin ê tsu-bī
啦~命中註定
lah~ miā-tiong tsù-tiānn
就是你佮我
tiō-sī lí kah guá
唱出快樂的歌聲
tshiùnn-tshut khuài-lo̍k ê kua-siann
感情路相依相倚
kám-tsîng-lōo sio-i sio-uá
啦~命中註定
lah~ miā-tiong tsù-tiānn
愛人毋免驚
ài-jîn m̄-bián kiann
親像海船來靠岸
tshin-tshiūnn hái-tsûn lâi khò-huānn
命中註定你佮我
miā-tiong tsù-tiānn lí kah guá
—
啦~命中註定
lah~ miā-tiong tsù-tiānn
永遠袂變卦
íng-uán buē piàn-kuà
輕輕鬆鬆牽手行
khin-khin-sang-sang khan-tshiú kiânn
真心付出的心情
tsin-sim hù-tshut ê sim-tsiânn
啦~命中註定
lah~ miā-tiong tsù-tiānn
歡喜來做伴
huann-hí lâi tsuè-phuānn
山盟海誓來交換
san-bîng-hái-sè lâi kau-uānn
命中註定你佮我
miā-tiong tsù-tiānn lí kah guá
