我想欲對你講一句話
《我想欲對你講一句話 》Guá Siūnn-beh Tuì Lí Kóng Tsi̍t-kù Uē
文甲Bûn-kah
——————————————
自從彼日咱離開
tsū-tsiông hit-ji̍t lán lī-khui
每日思念你
muí-ji̍t su-liām lí
想起初戀彼當時
siūnn-khí tshoo-luân hit-tong-sî
雙人真幼稚
siang-lâng tsin iù-tī
毋敢來講著啥言語
m̄-kánn lâi kóng-tio̍h siánn giân-gí
你看我
lí khuànn guá
我看你
guá khuànn lí
我想欲
guá siūnn-beh
對你講一句話
tuì lí kóng tsi̍t-kù uē
講也袂出去
kóng iā buē tshut-khì
八月十五的暗暝
pueh-gue̍h tsa̍p-gōo ê àm-mî
看月算天星
khuànn gue̍h sǹg thinn-tshinn
青年男女?做堆
tshing-liân lâm-lí tshuā tsuè-tui
相愛情綿綿
siong-ài tsîng mî-mî
可惜伊對我真細膩
khó-sioh i tuì guá tsin sè-gī
毋敢來表情意
m̄-kánn lâi piáu tsîng-ì
我想欲
guá siūnn-beh
對你講一句話
tuì lí kóng tsi̍t-kù uē
可惜無勇氣
khó-sioh bô ióng-khì
昨暝又來夢起你
tsa-mî iū lâi bāng-khí lí
佮我來相見
kah guá lâi sann-kìnn
談情說愛糖蜜甜
tâm-tsîng sueh-ài thn̂g-bi̍t-tinn
雙人分袂離
siang-lâng hun buē-lī
雖然你對我好情義
sui-jiân lí tuì guá hó tsîng-gī
不過我心驚疑
put-kò guá sim kiann-gî
我想欲
guá siūnn-beh
對你講一句話
tuì lí kóng tsi̍t-kù uē
妹妹我愛你
muē-muē guá ài lí
