寂寞的吉他聲
《寂寞的吉他聲》Tsi̍k-bo̍k ê Gì-tah Siann
邱賢桂Khu Hiân-kuì
——————————————
輕輕傳來一陣沉重
khin-khin thuân-lâi tsi̍t-tsūn tîm-tāng
摻著寂寞的吉他聲
tsham tio̍h tsi̍k-bo̍k ê gì-tah siann
你已經來變卦
lí í-king lâi piàn-kuà
阮毋是毋知影
gún m̄-sī m̄ tsai-iánn
冷風吹來一陣傷心
líng-hong tshue lâi tsi̍t-tsūn siong-sim
攬著孤單的折磨
lám tio̍h koo-tuann ê tsiat-buâ
今夜只賰冷冷被單
kim-iā tsí tshun líng-líng phuē-tuann
無情的歌啊
bô-tsîng ê kua–ah
唱袂煞
tshiùnn buē-suah
伴著寂寞的吉他聲
phuānn tio̍h tsi̍k-bo̍k ê gì-tah siann
一聲一聲
tsi̍t-siann-tsi̍t-siann
攏親像
lóng tshin-tshiūnn
我無奈的心情
guá bô-nāi ê sim-tsiânn
痴情的我
tshi-tsîng ê guá
用酒伴孤單
iōng tsiú phuānn koo-tuann
目屎流煞
ba̍k-sái lâu suah
才知影
tsiah tsai-iánn
原來寂寞
guân-lâi tsi̍k-bo̍k
是阮的名
sī gún ê miâ
