牡丹花若開
《牡丹花若開》Bóo-tan-hue Nā Khui
李雅芳Lí Ngá-hong
——————————————
看見花園彼一欉
khuànn-kìnn hue-hn̂g hit tsi̍t-tsâng
可愛花蕊紅牡丹
khó-ài hue-luí âng bóo-tan
已經也美麗清芳
í-king iā bí-lē tshing-phang
怎樣阮來心苦痛
tsuánn-iūnn gún lâi sim khóo-thàng
心愛的彼个阿母
sim-ài ê hit ê a-bú
走去佗位藏
tsáu-khì tó-uī tshàng
阮每日思思念念
gún muí-ji̍t su-su-liām-liām
心頭袂輕鬆
sim-thâu buē khin-sang
會記細漢彼當時
ē-kì suè-hàn hit-tong-sî
阿母抱阮踮窗邊
a-bú phō gún tiàm thang-pinn
欣賞著牡丹花欉
him-siūnn tio̍h bóo-tan hue-tsâng
彼个溫柔花芳味
hit ê un-jiû hue-phang bī
到現時又閣想起
kàu hiān-sî iū-koh siūnn-khí
引阮目屎滴
ín gún ba̍k-sái tih
你毋知阮踮家中
lí m̄-tsai gún tiàm ka-tiong
怎樣過日子
tsuánn-iūnn kè ji̍t-tsí
爸爸雖然疼惜阮
pá-pah sui-jiân thiànn-sioh gún
新的媽媽心溫馴
sin ê má-mah sim un-sûn
阮猶原心頭憂悶
gún iu-guân sim-thâu iu-būn
思念早前彼時陣
su-liām tsá-tsîng hit sî-tsūn
在床中時常眠夢
tsāi tshn̂g-tiong sî-siông bîn-bāng
阿母伴阮睏
a-bú phuānn gún khùn
若看見花園牡丹
nā khuànn-kìnn hue-hn̂g bóo-tan
糜飯也袂吞
bê-pn̄g iā buē thun
