人佮人
《人佮人》Lâng Kah Lâng
高向鵬Ko Hiòng-phîng
——————————————
為著感情來跋遮重
uī-tio̍h kám-tsîng lâi pua̍h tsiah tāng
為著世事啊太操煩
uī-tio̍h sè-sū–ah thài tshau-huân
行過人生啊的冷暖
kiânn kuè jîn-sing–ah ê líng-luán
愈是歹行愛愈勇敢
jú sī pháinn-kiânn ài jú ióng-kám
啊~有時風雨對面淋
ah~ ū-sî hong-hōo tuì bīn lâm
歹看甲遮悽慘
pháinn-khuànn kah tsiah tshi-tshám
啊~有時人情遮冷淡
ah~ ū-sî jîn-tsîng tsiah líng-tām
攏是看錢咧做人
lóng-sī khuànn tsînn teh tsuè-lâng
嘿~人佮人
heh~ lâng kah lâng
怎會你大我細漢
tsuánn ē lí tuā guá sè-hàn
嘿~人佮人
heh~ lâng kah lâng
運命本來無仝款
ūn-miā pún-lâi bô kāng-khuán
行行認真出狀元
hâng-hâng jīn-tsin tshut tsiōng-guân
名利愛先放空
miā-lī ài sing pàng-khang
真心誠懇來對人
tsin-sim sîng-khún lâi tuì lâng
有緣來予圓滿
ū-iân lâi hōo uân-buán
咱先對人好
lán sing tuì lâng hó
付出會結好果
hù-tshut ē kiat hó-kó
咱像家己人
lán tshiūnn ka-kī-lâng
破腹來鬥相共
phuà-pak lâi tàu-sann-kāng
友情的關懷踮世間
iú-tsîng ê kuan-huâi tiàm sè-kan
你我手相牽
lí guá tshiú sio-khan
這才是溫暖的人佮人
tse tsiah-sī un-luán ê lâng kah lâng
