安平港之戀
《安平港之戀》Ang-pîng-káng tsi Luân
文鶯Bûn-ing
——————————————
安平風景媠
Ang-pîng hong-kíng suí
海風吹微微
hái-hong tshue bî-bî
安平姑娘生做媠
Ang-pîng koo-niû sinn-tsuè suí
妖嬌又古錐
iau-kiau iū kóo-tsui
荷蘭古城真出名
Hô-lân kóo-siânn tsin tshut-miâ
世界有名聲
sè-kài ū miâ-siann
人人通知影
lâng-lâng thong tsai-iánn
海風陣陣冷
hái-hong tsūn-tsūn líng
船燈點點明
tsûn-ting tiám-tiám bîng
安平姑娘真聰明
Ang-pîng koo-niû tsin tshong-bîng
風流又多情
hong-liû iū to-tsîng
遇著一个有情人
gū-tio̍h tsi̍t-ê ū-tsîng-lâng
想欲選做翁
siūnn-beh suán tsuè ang
毋知通也毋通
m̄-tsai thang iā m̄-thang
天頂月光明
thinn-tíng ge̍h-kng-bîng
城頂談愛情
siânn-tíng tâm ài-tsîng
安平姑娘真有情
Ang-pîng koo-niû tsin ū-tsîng
愛著好男性
ài-tio̍h hó lâm-sìng
希望爸母會分明
hi-bāng pē-bú ē hun-bîng
想欲去求情
siūnn-beh khì kiû-tsîng
毋知肯抑毋肯
m̄-tsai khíng ia̍h m̄-khíng
安平風景媠
Ang-pîng hong-kíng suí
春風吹微微
tshun-hong tshue bî-bî
安平姑娘心花開
Ang-pîng koo-niû sim-hue khui
愛情有所歸
ài-tsîng ū-sóo kui
雙人行到安平城
siang-lâng kiânn kàu Ang-pîng-siânn
歡喜叫出聲
huann-hí kiò tshut-siann
心愛的你的名
sim-ài ê lí ê miâ
