無你雨袂停
《無你雨袂停》Bô Lí Hōo Bē-thîng
尤雅Iû Ngá
——————————————
風吹雲過月
hong tshue hûn kuè gue̍h
船過水無痕
tsûn kuè tsuí bô hûn
親像你佮我
tshin-tshiūnn lí kah guá
懵懂過去的溫存
bóng-tóng kuè-khì ê un-tsûn
明知斷了線
bîng-tsai tn̄g liáu suànn
偏偏心袂定
phian-phian sim buē-tiānn
陣陣愛情雨
tsūn-tsūn ài-tsîng hōo
在阮心內落袂煞
tsāi gún sim-lāi lo̍h buē-suah
我踮你的窗邊
guá tiàm lí ê thang-pinn
啊~你敢無看見
ah~ lí kám bô khuànn–kìnn
規暝一直等
kui-mî it-ti̍t tán
毋知今夜你佇佗位
m̄-tsai kim-iā lí tī tó-uī
風吹心頭冷
hong tshue sim-thâu líng
雨笑我痴情
hōo tshiò guá tshi-tsîng
真想欲等你到天清
tsin siūnn-beh tán lí kàu thinn tshing
哪知無你雨袂停
ná tsai bô lí hōo buē-thîng