男人上疼的所在

《男人上疼的所在》Lâm-jîn Siōng Thiànn ê Sóo-tsāi
七郎Tshit-lông
——————————————
孤單行過
koo-tuann kiânn kuè
約會的老所在
iok-huē ê lāu-sóo-tsāi
暗風輕輕吹來
àm-hong khin-khin tshue–lâi
刺疼著阮的心肝內
tshì-thiànn tio̍h gún ê sim-kuann-lāi
男人上疼的所在
lâm-jîn siōng thiànn ê sóo-tsāi
滿腹的痛苦
muá-pak ê thòng-khóo
有啥人會知
ū siánn-lâng ē tsai

是我對你
sī guá tuì lí
心內咧想啥物
sim lāi teh siūnn siánn-mih
我無來注意著你
guá bô lâi tsù-ì tio̍h lí
是我太過相信
sī guá thài kuè siong-sìn
你對我表示彼句我愛你
lí tuì guá piáu-sī hit kù guá ài lí

想起佮你做陣
siūnn-khí kah lí tsuè-tīn
踮在海邊
tiàm-tsāi hái-pinn
看見是糖甘蜜甜
khuànn-kìnn sī thn̂g-kam-bi̍t-tinn
如今一段感情
jû-kim tsi̍t-tuānn kám-tsîng
無需要堅持
bô su-iàu kian-tshî
只好偷偷想你
tsí-hó thau-thau siūnn lí

在心中講袂出來
tsāi sim-tiong kóng buē tshut-lâi
這就是男人
tse tsiū-sī lâm-jîn
上疼的所在
siōng thiànn ê sóo-tsāi