心陶醉
《心陶醉》Sim Tô-tsuì
林姍Lîm San
——————————————
今夜月當圓
kim-iā gue̍h tong înn
一陣心陶醉
tsi̍t-tsūn sim tô-tsuì
舊年的約束
kū-nî ê iok-sok
毋通袂記
m̄-thang buē-kì
盈暗就是重逢時
îng-àm tiō-sī tiông-hông sî
秋風吹來花芳味
tshiu-hong tshue lâi hue-phang-bī
阮是半醉半清醒
gún sī puànn tsuì puànn tshing-tshínn
啊~等伊來表示
ah~ tán i lâi piáu-sī
伊的真情意
i ê tsin tsîng-ì
青春若一去不再回
tshing-tshun nā it-khì put-tsài huê
花開花謝花落地
hue khui hue siā hue lo̍h-tē
緣份若親像風咧飛
iân-hūn ná-tshin-tshiūnn hong teh pue
等你一句真心話
tán lí tsi̍t-kù tsin-sim uē
月娘啊你敢有聽見
gue̍h-niû–ah lí kám ū thiann–kìnn
伊敢知影阮的心
i kám tsai-iánn gún ê sim
錯過了今夜
tshò-kuè liáu kim-iā
只有夢中見
tsí-ū bāng-tiong kìnn
