想起月津港
《想起月津港》Siūnn-khí Gua̍t-tin-káng
林姍Lîm San
——————————————
想起當初月津港
siūnn-khí tong-tshoo Gua̍t-tin-káng
鬧熱船隻駛出帆
lāu-jia̍t tsûn-tsiah sái tshut-phâng
八角樓邊戀愛夢
peh-kak-lâu pinn luân-ài bāng
黃昏碼頭手相牽
hông-hun bé-thâu tshiú sio-khan
月娘照著月津港
gue̍h-niû tsiò tio̍h Gua̍t-tin-káng
看盡來來去去過渡人
khuànn-tsīn lâi-lâi-khì-khì kuè-tōo lâng
溪水不再流向東
khe-tsuí put-tsài lâu hiòng tang
越頭風華歲月
ua̍t-thâu hong-huâ suè-gua̍t
轉眼空
tsuán-gán khang
行踮古早的小巷
kiânn tiàm kóo-tsá ê sió-hāng
一碗懷念的意麵芳
tsi̍t-uánn huâi-liām ê ì-mī phang
有情人
ū-tsîng-lâng
有情夢
ū-tsîng bāng
嗯~十五暗
ngh~ tsa̍p-gōo àm
陣陣炮聲
tsūn-tsūn phàu-siann
叫醒月啊月津港
kiò tshínn Gua̍t–ah Gua̍t-tin-káng
