拜託借過一下
《拜託借過一下》Pài-thok Tsioh-kuè–tsi̍t-ē
李茂山Lí Bōo-san
——————————————
足久足久的願夢
tsiok kú tsiok kú ê guān-bāng
足久足久的思念
tsiok kú tsiok kú ê su-liām
你咧等待啥物人
lí teh tán-thāi siánn-mih lâng
予你袂食袂睏
hōo-lí buē-tsia̍h buē-khùn
目箍紅
ba̍k-khoo âng
小可小可的失敗
sió-khuá sió-khuá ê sit-pāi
嘛小可小可著忍耐
mā sió-khuá sió-khuá tio̍h jím-nāi
感情都毋是
kám-tsîng to m̄-sī
講來就來
kóng lâi tiō lâi
著愛真心付出
tio̍h-ài tsin-sim hù-tshut
才會使
tsiah ē-sái
純情男的目屎
sûn-tsîng lâm ê ba̍k-sái
怎樣為伊來滴落來
tsuánn-iūnn uī i lâi tih lo̍h-lâi
心情鬱卒啥人了解
sim-tsîng ut-tsut siánn-lâng liáu-kái
無論好天歹天
bô-lūn hó-thinn pháinn-thinn
甘願伴你相隨
kam-guān phuānn lí siong-suî
永遠莫拆分離
íng-uán mài thiah hun-lî
拜託拜託
pài-thok pài-thok
借過一下
tsioh-kuè–tsi̍t-ē
拜託拜託
pài-thok pài-thok
予人表現一下
hōo-lâng piáu-hiān–tsi̍t-ē
人是標準的
lâng sī piau-tsún ê
痴情少年家
tshi-tsîng siàu-liân-ke
永遠愛你一个
íng-uán ài lí tsi̍t-ê
