為情愁

為情愁

Uī tsin-tshiû

李芊慧

Lí-tshian-huī

為情愁 為情愁 真愛難得求

Uī tsin-tshiû  uī  tsin-tshiû tsin-ài lân-tit kiû

心憂憂 心憂憂 毋知何時休

Sim iu-iu sim iu-iu m̄-tsai hô-sî hiu

愛情可比是苦酒

Ài-tsîng khó-pí sī khóo-tsiú

愈啉心內愈憂愁

Lú lim sim-lāi lú iu-tshiû

無限深情  予伊辜負

Bû-hān tshim-tsîng hōo—I koo-hū

叫我怎樣忍受

Kiò-guá tsuánn-iūnn jím-siū

情已絕 夢也醒

Tsîng í tsua̍t bang iā tshínn

往事何必想

Óng-sū hô-pit siūnn

日也想  暝也想

Ji̍t iā siūnn mî iā siūnn

khàm影滿四周

khàm-iánn muá sì-tsiu

無情人  無情人

Bô-tsîng-lâng bô-tsîng-lâng

到底在何處

Tàu-té tsāi hô-tshù

寒夜無伴想往事

Hân-iā bô-phuānn siūnn óng-sū

加添心內的憂愁

Ka-thiam sim-lāi ê iu-tshiû

無限深情  予伊辜負

Bû-hān tshim-tsîng hōo—I koo-hū

叫我怎樣忍受

Kiò-guá tsuánn-iūnn jím-siū

情已斷 夢已醒

Tsîng í tuān bang í tshínn

心病無藥救

Sim-pīnn bô-io̍h-kiù

愛情可比是苦酒

Ài-tsîng khó-pí sī khóo-tsiú

愈啉心內愈憂愁

Lú lim sim-lāi lú iu-tshiû

無限深情  予伊辜負

Bû-hān tshim-tsîng hōo—I koo-hū

叫我怎樣忍受

Kiò-guá tsuánn-iūnn jím-siū

情已絕 夢也醒

Tsîng í tsua̍t bang iā tshínn

往事何必想

Óng-sū hô-pit siūnn