無緣戀歌
《無緣戀歌》Bô-iân Luân-kua
李明洋Lí Bîng-iông
——————————————
唱一首無緣戀歌
tshiùnn tsi̍t-siú bô-iân luân-kua
欲來送予負心人聽
beh lâi sàng hōo hū-sim-lâng thiann
講我是遐爾愛你
kóng guá sī hiah-nī ài lí
這份情是永遠難捨
tsit hūn tsîng sī íng-uán lân-siá
你講欲佮我來分開
lí kóng beh kah guá lâi hun-khui
將著傷心來留予我
tsiong tio̍h siong-sim lâi lâu hōo guá
這首歌
tsit siú kua
我會為你唱無聲
guá ē uī lí tshiùnn bô-siann
是失去一个一生的伴
sī sit-khì tsi̍t-ê it-sing ê phuānn
有約束佮咒誓
ū iok-sok kah tsiù-tsuā
是換著一个主角來搬
sī uānn tio̍h tsi̍t-ê tsú-kak lâi puann
你敢會快活
lí kám ē khuìnn-ua̍h
是海水也焦
sī hái-tsuí iā ta
石頭也爛
tsio̍h-thâu iā nuā
月娘照孤單
gue̍h-niû tsiò koo-tuann
是愛佮恨
sī ài kah hūn
到遮切兩半
kàu tsia tshiat nn̄g-puànn
唱一首無緣戀歌
tshiùnn tsi̍t-siú bô-iân luân-kua
欲送予
beh sàng hōo
天下間傷心人聽
thian-hā-kan siong-sim-lâng thiann
唱一首無緣戀歌
tshiùnn tsi̍t-siú bô-iân luân-kua
欲送予無情的人
beh sàng hōo bô-tsîng ê lâng
你到底為啥
lí tàu-té uī siánn
