夜半限時批
《夜半限時批》Iā-puànn Hān-sî-phue
李明洋Lí Bîng-iông
——————————————
夜半路燈點規暝
iā-puànn lōo-ting tiám kui-mî
踮在路邊等無伊
tiàm-tsāi lōo-pinn tán-bô i
敢是你也已經看破
kám-sī lí iā í-king khuànn-phuà
放阮孤單一个
pàng gún koo-tuann tsi̍t-ê
毋通欺騙阮的愛
m̄-thang khi-phiàn gún ê ài
真心愛你無別人
tsin-sim ài lí bô pa̍t-lâng
互相當初有意愛
hōo-siong tong-tshoo ū ì-ài
等你來做伴
tán lí lâi tsuè-phuānn
冷風吹
líng-hong tshue
陣陣畏寒
tsūn-tsūn uì-kuânn
夢身邊彼个人
bāng sin-pinn hit ê lâng
茫茫渺渺已經過去
bông-bông-biáu-biáu í-king kuè-khì
心愛的人再會
sim-ài ê lâng tsài-huē
若是收著一張限時批
nā-sī siu-tio̍h tsi̍t-tiunn hān-sî-phue
毋免寫批來回
m̄-bián siá-phue lâi huê
若是收著送予你的花
nā-sī siu-tio̍h sàng hōo lí ê hue
表示有緣相揣
piáu-sī ū-iân sio-tshuē
想你想你過去講的話
siūnn lí siūnn lí kuè-khì kóng ê uē
親像糖甘蜜甜
tshin-tshiūnn thn̂g-kam bi̍t-tinn
毋免閣再痴迷彼條歌
m̄-bián koh-tsài tshi-bê hit tiâu kua
望來生的時
bāng lâi-sing ê sî
閣再相會
koh-tsài siong-huē
