提拉米蘇
《提拉米蘇》
江志豐Kang Tsì-hong
——————————————
拍開手機內的震動
phah-khui tshiú-ki lāi ê tsìn-tōng
一个光影傳來祝福
tsi̍t-ê kng-iánn thuân-lâi tsiok-hok
是你的門號傳予我
sī lí ê mn̂g-hō thuân hōo guá
祝我生日快樂
tsiok guá sinn-ji̍t khuài-lo̍k
一張你的相片
tsi̍t-tiunn lí ê siòng-phìnn
輕輕笑
khin-khin tshiò
講出今夜的約束
kóng-tshut kim-iā ê iok-sok
對面巷仔口
tuì-bīn hāng-á-kháu
彼間咖啡廳
hit king ka-pi-thiann
你有話欲對我講
lí ū uē beh tuì guá kóng
一塊溫暖的雞卵糕
tsi̍t-tè un-luán ê ke-nn̄g-ko
黐拉搣舒喔~
tiramisu ooh~
我攏毋知你的祝福
guá lóng m̄-tsai lí ê tsiok-hok
就是請你帶我走
tiō-sī qǐng nǐ dài wǒ zǒu
看著你眼中的我
khuànn-tio̍h lí gán-tiong ê guá
哪會遮爾退步
ná ē tsiah-nī thè-pōo
毋敢對你講
m̄-kánn tuì lí kóng
我嘛愛你在心中
guá mā ài lí tsāi sim-tiong
有你陪伴我的心
ū lí puê-phuānn guá ê sim
才有幸福
tsiah ū hīng-hok
