阿娥的搖籃曲
https://www.youtube.com/watch?v=VaqlekERFt8
《阿娥的搖籃曲》A-ngôo ê Iô-nâ-khik
白冰冰Pe̍h Ping-ping
——————————————
臺灣人啊
Tâi-uân-lâng–ah
是啥人予你大腹肚
sī siánn-lâng hōo lí tuā-pak-tóo
是按怎
sī-án-tsuánn
一年著食一條
tsi̍t-nî tio̍h tsia̍h tsi̍t-tiâu
高速公路
ko-sok-kong-lōo
今仔日
kin-á-ji̍t
你食鮑魚佮燕窩
lí tsia̍h pau-hî kah iàn-o
你敢有想著
lí kám ū siūnn-tio̍h
咱阿公仔
lán a-kong–á
較早是食泔糜仔
khah-tsá sī tsia̍h ám-bê-á
配菜脯
phuè tshài-póo
臺灣人啊
Tâi-uân-lâng–ah
我知影
guá tsai-iánn
逐家真辛苦
ta̍k-ke tsin sin-khóo
人講艱苦趁
lâng kóng kan-khóo thàn
嘛著快活食
mā tio̍h khuìnn-ua̍h tsia̍h
講來嘛毋是錯誤
kóng–lâi mā m̄-sī tshò-gōo
人生嘛毋是
jîn-sing mā m̄-sī
全然Benz佮XO
tsuân-jiân Bèn-zuh kah XO
你敢有想咱囝孫仔
lí kám ū siūnn lán kiánn-sun-á
怹以後著愛按怎
in í-āu tio̍h-ài án-tsuánn
才有一條光明的路途
tsiah ū tsi̍t-tiâu kong-bîng ê lōo-tôo
↓—–(RAP)—–↓
你看臺灣的溪水
lí khuànn Tâi-uân ê khe-tsuí
一條一條咧反烏
tsi̍t-tiâu-tsi̍t-tiâu teh huán-oo
祖先留落來的鄉土
tsóo-sian lâu–lo̍h-lâi ê hiong-thóo
你敢有保護
lí kám ū pó-hōo
青山綠水
tshing-san li̍k-suí
已經變甲
í-king piàn kah
強欲臭糊糊
kiōng-beh tshàu kôo-kôo
會害咱的囝孫仔
ē hāi lán ê kiánn-sun-á
干焦有錢無鄉土
kan-na ū-tsînn bô hiong-thóo
你看社會人心
lí khuànn siā-huē jîn-sim
一日一日咧反烏
tsi̍t-ji̍t-tsi̍t-ji̍t teh huán-oo
祖先留落來的道德
tsóo-sian lâu–lo̍h-lâi ê tō-tik
咱著愛堅固
lán tio̍h-ài kian-kòo
希望逐家提出愛心
hi-bāng ta̍k-ke the̍h tshut ài-sim
互相來相照顧
hōo-siong lâi sio tsiàu-kòo
將來咱的囝孫仔
tsiong-lâi lán ê kiánn-sun-á
不但有錢
put-tān ū-tsînn
閣有禮數
koh ū lé-sòo
