月下跳舞
《月下跳舞》Gue̍h-hā Thiàu-bú
甲子慧Kah-tsí Huī
——————————————
月下微微光線
gue̍h-hā bî-bî kng-suànn
漏洩著音樂聲
lāu-sia̍p tio̍h im-ga̍k-siann
有一个美麗孤單形影
ū tsi̍t-ê bí-lē koo-tuann hîng-iánn
使人心頭亂
sú-lâng sim-thâu luān
春風微微吹啊
tshun-hong bî-bî tshue–ah
想欲問你的名
siūnn-beh mn̄g lí ê miâ
提出來勇氣
the̍h tshut-lâi ióng-khì
大膽邀請
tuā-tánn iau-tshiánn
請你做我的舞伴
tshiánn lí tsuè guá ê bú-phuānn
注意著你的跤步
tsù-ì tio̍h lí ê kha-pōo
一步一步
tsi̍t-pōo-tsi̍t-pōo
看予清楚
khuànn hōo tshing-tshó
對著平順的天望
tuì tio̍h pîng-sūn ê thian bōng
毋免驚踏錯
m̄-bián kiann ta̍h tshò
踅來踅去
se̍h-lâi-se̍h-khì
月下探戈
gue̍h-hā thàn-gòo
咱己經互相愛慕
lán í-king hōo-siong ài-bōo
