媽媽喲
《媽媽喲》Má-mah–iooh
王瑞霞Ông Suī-hâ
——————————————
今夜冷淡月光伴阮
kim-iā líng-tām gue̍h-kng phuānn gún
抱著思念又閣天光
phō tio̍h su-liām iū-koh thinn-kng
雖然離開你遮爾遠
sui-jiân lī-khui lí tsiah-nī hn̄g
感情是毋捌斷
kám-tsîng sī m̄-bat tn̄g
毋知暝哪會遮爾長
m̄-tsai mî ná ē tsiah-nī tn̂g
心內感覺淡薄仔酸
sim-lāi kám-kak tām-po̍h-á sng
日日夜夜想欲倒轉
ji̍t-ji̍t-iā-iā siūnn-beh tò-tńg
思念我的媽媽
su-liām guá ê má-mah
媽媽喲
má-mah–iooh
你的笑容
lí ê tshiò-iông
是支持我的唯一力量
sī tsi-tshî guá ê uî-it li̍k-liōng
媽媽喲
má-mah–iooh
請你保重
tshiánn lí pó-tiōng
毋知你身體有勇健無
m̄-tsai lí sin-thé ū ióng-kiānn–bô
又閣一暝攏袂當睏
iū-koh tsi̍t-mî lóng buē-tàng khùn
因為思念又來揣阮
in-uī su-liām iū lâi tshuē gún
想著
siūnn-tio̍h
目屎一陣一陣
ba̍k-sái tsi̍t-tsūn-tsi̍t-tsūn
感覺著心酸酸
kám-kak tio̍h sim-sng-sng
